وظائف مصلحة الشهر العقاري والتوثيق - اعلان رقم 2 لسنة 2014
وزارة العدل / مصلحة الشهر العقاري والتوثيق / اعلان رقم 2 لسنة 2014
منشور بجريدة الجمهورية الموافق الجمعة 5/12/2014 صفحة رقم 7
تعلن مصلحة الشهر العقاري والتوثيق عن شغل بعض الوظائف بمكاتب الشهر العقاري والتوثيق على النحو التالى :
[size=32]الوظائف المطلوبة :[/size]
1- عدد 32 وظيفة باحث / مؤهل عال مناسب
2- عدد 31 فنى رابع / مؤهل دبلوم صناعي
[size=32]المستندات المطلوبة :[/size]
1- صورة شهادة الميلاد 2- صورة المؤهل الدراسي 3- صورة بطاقة الرقم القومي 4- صورة الموقف من التجنيد للذكور والخدمة العامة للاناث 5- صحيفة الحالة الجنائية موجهة لمصلحة الشهر العقاري والتوثيق 6- عدد 6 صورة شخصية حديثة 4×6
7- شهادة خبرة معتمدة من مصلحة الشهر العقاري ومكاتبها 8- كتابة اقرار بصحة المستندات المقدمه
[size=32]طريقة التقديم للمسابقة :[/size]
يتم التقديم لتلك الوظائف باليد من خلال نموذج طلب شغل الوظيفة مقابل مبلغ 40 جنية يتم سحبه وتقديمة بمقر الادارة العامة لشئون العاملين مصلحة الشهر العقاري والتوثيق 57 شارع رمسيس وذلك خلال 6 ايام من نشر هذا الاعلان وسوف يتم تحديد ميعاد الامتحانات بعد 20 يوم من انتهاء موعد التقديم وعلى ان تكون الامتحانات بديوان عام وزارة العدل مكتب السيد المستشار مساعد وزير العدل لشئون الشهر العقاري والتوثيق
[size=32]اهم الشروط التعجيزية للتقديم :[/size]
1- الحصول على شهادة خبرة معتمدة من مصلحة الشهر العقاري
2- يشترط الخبرة 4 سنوات فى مجال العمل بمكينة الشهر العقاري
3- اجتياز الاختبار التحريري والشفوي فى قوانين الشهر العقاري والتوثيق
4- الفيش الجنائى
5- طلب الوظيفة بملغ 40 جنية
6- فترة التقديم 6 ايام فقط
[size=32]تحليل الشروط التعجيزية :[/size]
الحصول على شهادة خبرة معتمدة من الشهر العقاري / يعنى ايه مش فاهم يعنى اجيب شهادة خبرة من اى مكان واروح اعتمدها من مصلحة الشهر العقاري وطبعا هيقرفونى ومش هيرضوا يعتمدوها مثلا زي ما بروح اعتمد منتج من وزارة الصحة صح كده يا سلام عليكي يا بلد وطبعاً اللى هيقدر يروح يعتمد بسهولة هما ابناء العاملين البلد بلدهم .
يشترط الحصول على خبرة 4 سنوات فى مجال العمل بمكاتب الشهر العقاري / مش فاهم برضوا يعنى اكون شغال بالشهر العقاري مثلا اربع سنوات .
اجتياز الاختبار فى قوانين الشهر العقاري / يعنى انا حاصل على مؤهل عالى ومعرفش حاجة عن القوانين دي ازاى تختبرني فيها يا سيدي لو اتقبلت ابقى ادينى دورة فى القوانين دي صح كدة .
الفيش الجنائى / فترة التقديم 6 ايام فقط وطبعا هتلاقى مكاتب الادله الجنائية بتاعت الفيش عليها ضرب نار والرشاوي تشتغل علشان نطلع الفيش بسرعة وكل واحد ليه واسطه فى المكتب او مركز الشرطة بيطلع الفيش وهو واقف اما الشخص اللى عارف نفسة بيفضل واقف لما يزهق ويروح ويجي تانى يوم من الفجر لما المكتب يفتح الساعة 9 ويكون الدنيا اتزحمت والبلد بلدنا وغير 15 جنية بتوع الفيش هو الشعب لاقي ياكل بعد زيادة الكهرباء والمياه والمواصلات والاسعار نااار والدخل هو هو يلا البلد بلدنا .
طلب شغل الوظيفة / ثمن الطلب 40 جنية اصل الطلب مكلف مصلحة الشهر العقاري 140 جنية اصل مطبوع بالدهب ومدعم ب 100 جنية من مصلحة الشهر العقاري صح كدة لا حلوه .
فترة التقديم 6 ايام / طبعا ما المسابقة متكوسه ومعروف مين المتعين فيها قبل صدورها .
المهم محتاجين واحد دكر يرفع قضية على مصلحة الشهر العقاري بخصوص هذا الاعلان لان الاعلان غير دستوري
اهم حاجة مفيش مساواه ولازم ينشر على الاقل فى صحيفتان وفترة التقديم 15 يوم على الاقل لاتاحة الفرصة للجميع .
[size=32]المصدر الاعلان حصرياً لدي موقع وظائف مصرية [/size]
http://www.msrjob.com/2014/12/jp.gov.eg_5.html
الله ولي التوفيــق .