وظائف مصر للبترول - 01281836069 نصاب رسمي

وظائف مصر للبترول - 01281836069 نصاب رسمي

رسالة من العضو / كريم ابو شيته

بعد ان شاهدت هذا الاعلان منشور على اكبر الصفحات على الفيس بوك منشوره فى تعليقات المنشورات بالصفحات ونص المنشور التالى ::-
--------------------------
مطلوب شباب من الجنسين لشركة مصر للبترول الا عاوز بناخد 15000 جنيه بعد ما تستلم الشغل
وبتستلم الشغل بعد ما بتسلمنا الورق بشهر ومش هتدفع اى جنيه قبل ما تستلم الشغل ده رقمى ا/ احمد على 01281836069
--------------------------
وده حساب / احمد على
https://www.facebook.com/profile.php?id=100007250855369

وطبعا زي ما قال بيفتح التليفون من الساعة 12 الظهر حتى الثانية ولما تتصل صعب جدا توصل ليه علشان الضغط علية ناااااااار ولما رد علية قلت لية انا قراءت الاعلان بتاعك ايه المطلوب قالى هتجهز الورق ده وبسرعة اللى هو صور الشهادات اللى معاك + كعب عمل + افادة تامينات + فيش جنائى = علشان يخليك تصدق وقلت ليه وبعد لما اعمل الورق ايه اللى هيتم بعد كدة قالى بس اعمل الورق وكلمنى تانى قولت اعمل مش هخسر حاجة

بعد اسبوع وطلع عينى علشان اعمل فيش وطبعا الفيش علية ضرب نار بسبب التطوع فى الجيش وبعد لما طلع عينى كلمته وقلت لية جهزت الورق ايه المطلوب الان قالى هتبعت الورق فى ظرف تكتب علية رقم تليفونك وتكتب اسمي الاستاذ / احمد على ... وبعد كدة تحط 200 جنية ميه دمغات و ميه للكشف الطبى وتحط ال 200 جنية مع الورق وتبعته مع اى عربية جاية الاسكندرية وبعد كدة تدينى رقم العربية وانا هبعت واحد يستلم الظرف

واكيد الكل فهم اللعبة اولا : الراجل ده نصاب وش علشان غبى لانه ناشر الاعلان على جميع المواقع والصفحات الفيس بوك وطبعا المواضيع دي بتعوز سرية تامة ولو كلف خاطرة وقال للجيران انه عاوز ناس تدفع فلوس وهشغلها فى البترول هيلاقى الاف ثانيا : موضوع ال 200 جنية دمغات وكشف طبى وسعت منك دي قوي

من الاخر يا جماعة الموضوع ده علشان ال 200 جنية شوف كام واحد مغفل هيصدق ويبعت ال 200 جنية واللى بيشغل بالفلوس فعلا مفيش حد بيعرفه نهائى الا طبعا اذا كان قريبة او صاحبة اما علنى كدة نصب ثم نصب واللى عاوز يشتغل بجد يبعتلى كرت ب عشرة على الرقم ده ههههههههههه ؟ الرجاء نشر النص ده على اوسع نطاق لان لو عرفت وامتنعت عن النشر والله هتشيل زنب الناس اللى هيتنصب عليها ....